რუსული თვითმფრინავი ევროკავშირში არ ჯდება- პარლამენტთან აქცია მიმდინარეობს

2023-05-19 21:34:41, 895 ნახვა

პოლიტიკა

რუსული თვითმფრინავი ევროკავშირში არ ჯდება- პარლამენტთან აქცია მიმდინარეობს - პირდაპირი

რუსული თვითმფრინავი ევროკავშირში არ ჯდება- პარლამენტთან აქცია დაიწყო.

ქციის ორგანიზატორების განცხადებაში წერია, რომ "საქართველოს მხრიდან რუსეთთან სავიზო რეჟიმის არარსებობა, ფრენების დანიშვნა, ეკონომიკური თანამშრომლობა, სანქციების უგულებელყოფა - საფრთხეს უქმნის ჩვენს ეროვნულ მიზანს, ევროინტეგრაციას."

ნიკა მელიამ პარლამენტის წინ აქციაზე განაცხადა, რომ სანამ მიზეზს არ აღმოვფხვრავთ რუსული ხელისუფლება მუდმივა სიურპრიზებს შემოგვთავაზებს.

"მანამ, სანამ ჩვენ არა მხოლოდ შედეგს შევერკინებით, არამედ მიზეზს არ აღმოვფხვრავთ, რუსული ყაიდის ხელისუფლება მუდმივად სხვა და სხვა სიურპრიზს შემოგვთავაზებს. რუსეთი არის ოკუპანტი სახელმწიფო, საქართველოს, სამწუხაროდ, ჰყავს ღიად პრორუსული ხელისუფლება და აქედან გამომდინარეობს შედეგი. შედეგი, რომელიც გულისხმობს რუსული მმართველობის სტილს, შედეგი, რომელიც გულისხმობს რუსულ თვითმფრინავს, რუსულ კანონს და ა.შ. მნიშვნელოვანი არა მხოლოდ სიმპტომს ვებრძოლობთ, არამედ სენს. ერთ კვირაში კიდევ უფრო მძიმე ნაბიჯს გადადგამენ, - თქვა მელიამ.

რუსული თვითმფრინავი თბილისის საერთაშორისო აეროპორტში დაეშვა. ფრენებზე შეზღუდვის მოხსნის შემდეგ ეს მოსკოვიდან პირველი რეისია.

თბილისის საერთაშორისო აეროპორტში პირველი რუსული რეისის ჩამოფრენის პარალელურად საპროტესტო აქცია გაიმართა, რომელზეც აქტივისტები დააკავეს.