ლექსმანი პრემიერის CPAC-ში მონაწილეობაზე - ქართული კოშმარი ჩვენი ღირებულებების წინააღმდეგ მუშაობს

2023-05-05 11:01:53, 1021 ნახვა

პოლიტიკა

ქართული კოშმარი მუშაობს ჩვენი ღირებულებებისა და ქართველი ხალხის ევროატლანტიკური მისწრაფებების წინააღმდეგ,- ასე ეხმაურება ევროპარლამენტარი მირიამ ლექსმანი "ევროპელი სოციალისტების პარტიის" (PES) განცხადებას.

როგორც ევროპარლამენტარმა აღნიშნა, ასეთი შეფასება მისასალმებელია, მაგრამ საკმაოდ დაგვიანებული.

"ასეთი შეფასება მისასალმებელია, მაგრამ საკმაოდ დაგვიანებული. ქართული კოშმარი მუშაობს ჩვენი ღირებულებებისა და ქართველი ხალხის ევროატლანტიკური მისწრაფებების წინააღმდეგ",- წერს ლექსმანი.

შეგახსენებთ, საქართველოს პრემიერ-მინისტრმა, ირაკლი ღარიბაშვილმა ბუდაპეშტში, კონსერვატიული პოლიტიკური მოქმედების ყოველწლიურ კონფერენციაში (CPAC) მიიღო მონაწილეობა.

"ევროპელი სოციალისტების პარტიამ" (PES) ირაკლი ღარიბაშვილის კონსერვატიულ პოლიტიკურ სამოქმედო კონფერენციაში (CPAC) მონაწილეობა დაგმო და მომდევნო სხდომაზე "ქართული ოცნებისთვის" სტატუსის შეჩერებას განიხილავს.

პარტიის ვიცე-პრეზიდენტის, კატი პირის თქმით, ირაკლი ღარიბაშვილის ქმედებები ეწინააღმდეგება პოლიტიკური გაერთიანების ღირებულებებს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,