რუსეთმა ზაპოროჟიეს ატომური ელექტროსადგურის (ZNPP) მე-4 ენერგობლოკის ტურბინის განყოფილებაში სამხედრო ტექნიკა და ასაფეთქებელი ნივთიერებები მოათავსეს. 

უკრაინული მედიის ცნობით, ამის შესახებ უკრაინის სახელმწიფო ბირთვულმა მარეგულირებელმა ინსპექციამ, 2 მაისს ატომური ენერგიის საერთაშორისო სააგენტოს (IAEA) წარმომადგენლებთან ყოველკვირეული შეხვედრის შემდეგ ისაუბრეს. 

"ატომური ენერგიის საერთაშორისო სააგენტოს წარმომადგენლებმა აღნიშნეს, რომ რუსი ოკუპანტები სამხედრო ტექნიკას, იარაღს და ასაფეთქებელ ნივთიერებებს ათავსებენ ZNPP-ის No4 ენერგობლოკის ტურბინის განყოფილებაში“,- აცხადებენ უკრაინის სახელმწიფო ბირთვული მარეგულირებელი ინსპექციის წარმომადგენლები.

მათივე თქმით, რუსეთის ასეთი ქმედებები საზიანოა ZNPP-ის სამრეწველო ობიექტზე ატომური დანადგარების ბირთვული და რადიაციული უსაფრთხოებისთვის და საფრთხეს უქმნის როგორც ატომური ელექტროსადგურის პერსონალს, ასევე ახლომდებარე ქალაქებისა და სოფლების მცხოვრებლებს.

სახელმწიფო ინსპექციამ კიდევ ერთხელ მოუწოდა საერთაშორისო საზოგადოებას, ზეწოლა მოახდინოს აგრესორზე, კერძოდ, მკაცრი სანქციები გამოიყენოს რუსეთის ატომური ინდუსტრიის საწარმოებისა და მათთან დაკავშირებულ პირებზე. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს