უკრაინის პრეზიდენტის ვოლოდიმერ ზელენსკის ადმინისტრაცია მკაცრად გამოეხმაურა რუსეთის თავდაცვის სამინისტროს შეტყობინებას უკრაინის უმანში საცხოვრებელ შენობებზე სარაკეტო დარტყმის შესახებ.

პრეზიდენტის ადმინისტრაციის ხელმძღვანელმა  ანდრეი ერმაკმა რუსებს ტერორისტების და მკვლელების ნაცია უწოდა.  განცხადება მან, ტელეგრამის არხზე გაავრცელა.

"რუსეთის ფედერაციის მკვლელობის სამინისტროს უხარია, რომ რაკეტა მოხვდა საცხოვრებელ კორპუსს და დაიღუპა მშვიდობიანი მოქალაქეები. აშკარაა ტერორისტებისა და მკვლელების მთელი ნაციის არაადეკვატურობა და კომპლექსი", - წერს ის.

მანამდე რუსეთის თავდაცვის სამინისტრომ „ისკანდერის“ რაკეტის გაშვების ფოტო გამოაქვეყნა წარწერით „ზუსტად მიზანში“.

უკრაინაში, ჩერკასის რაიონის ქალაქ უმანში საცხოვრებელი კორპუსის დაბომბვის შედეგად დაღუპულთა რიცხვი 16-მდე გაიზარდა. აღნიშნულ ინფორმაციას უკრაინული მედია ქვეყნის შინაგან საქმეთა სამინისტროზე დაყრდნობით ავრცელებს.

დაღუპულთა შორის 3 ბავშვია. თავდასხმის შედეგად ასევე დაშავდა 18 ადამიანი, მათგან 11 სამედიცინო დაწესებულებაში გადაიყვანეს. 17 ადამიანი კი, მათ შორის 3 ბავშვი, მაშველებმა ნანგრევებიდან უვნებლად ამოიყვანეს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს