რუსეთი ნორვეგიის 10 დიპლომატს ქვეყნიდან აძევებს. აღნიშნულის შესახებ ინფორმაცია რუსეთის საგარეო საქმეთა სამინისტროს ვებგვერდზეა გამოქვეყნებული.

რუსეთის საგარეო საქმეთა სამინისტროს განცხადებით, აღნიშნული გადაწყვეტილება დაკავშირებულია ნორვეგიის მიერ 15 რუსი დიპლომატის პერსონა ნონ გრატად გამოცხადებასთან.

ამასთან, რუსეთის საგარეო უწყებამ ამას "მტრული ნაბიჯი" უწოდა და განაცხადა, რომ ნორვეგიელი დიპლომატების გაძევებას "სხვა ზომებიც" მოჰყვება.

ნორვეგიის საგარეო საქმეთა სამინისტროს სპიკერის, რაგნჰილდ სიმენსტადის თქმით, ეს იყო პასუხი ნორვეგიის ხელისუფლების გადაწყვეტილებაზე, ოსლოში რუსეთის საელჩოს თანამშრომლების არასასურველ პირებად გამოცხადების შესახებ. 

„რუსეთის გადაწყვეტილებას შურისძიების აქტად მივიჩნევთ. ყველა ჩვენი დიპლომატი რუსეთში რეგულარულად ასრულებს დიპლომატიურ მუშაობას. რუსეთის ხელისუფლებამ ეს კარგად იცის“, - განაცხადა სიმენსტადმა.

შეგახსენებთ, რომ 13 აპრილს ნორვეგიის საგარეო საქმეთა სამინისტრომ ქვეყნიდან 15 რუსი დიპლომატის გაძევების შესახებ განაცხადა და რუსეთის დიპლომატიური მისიის დევნილ წევრებს "დაზვერვის ოფიცრები" უწოდა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს