რუსეთსა და უკრაინას შორის მშვიდობის დამყარებაში ჩინეთის ნდობა არ შეიძლება, რადგან ჩინეთისთვის ომის გაგრძელება მომგებიანია, - ამის შესახებ ჩეხეთის პრეზიდენტმა, პეტრ პაველმა განაცხადა.

მისი თქმით, ჩინეთისთვის კრემლთან პარტნიორობა პრიორიტეტულია, ვინაიდან მას შეუძლია მიიღოს იაფი ნავთობი, გაზი და სხვა რესურსები.

"რუსეთსა და უკრაინას შორის მშვიდობის დამყარებაში ჩინეთის ნდობა არ შეიძლება, რადგან ჩინეთისთვის ომის გაგრძელება მომგებიანია. ჩინეთს შეუძლია მოსკოვიდან მიიღოს იაფი ნავთობი, გაზი და სხვა რესურსები კრემლთან პარტნიორობის სანაცვლოდ, "შეზღუდვების გარეშე". მე არ ვფიქრობ, რომ ჩინეთი ნამდვილად დაინტერესებულია ომის მოკლე დროში დასრულებით", - ამბობს პაველი.

შეგახსენებთ, რუსეთ-უკრაინის ომის ერთი წლის თავზე ჩინეთმა უკრაინაში ომთან დაკავშირებით 12-პუნქტიანი ე.წ. სამშვიდობო გეგმა წარადგინა. 

ჩინეთის მიერ წარმოდგენილი გეგმა ჩართულ მხარეებს ცეცხლის დაუყოვნებლივი შეწყვეტისა და კონფლიქტის მშვიდობიანი გზით მოგვარებისკენ მოუწოდებს.

ჩინეთის შეფასებით, კონფლიქტი ამჟამინდელი მოცემულობით უნდა შეწყდეს, ანუ რუს სამხედროებს უნდა მიეცეთ იმ ტერიტორიების შენარჩუნების უფლება, რომელსაც ახლა აკონტროლებენ, უკრაინას კი, ამ მოცემულობასთან დაკავშირებით პრეტენზია არ უნდა ჰქონდეს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს