ეს არის სიმბოლო გამარჯვებისა უფრო მეტად, ვიდრე ტრაგედიისა - ამიტომ, უნდა ვიზეიმოთ 9 აპრილი და არა ვიგლოვოთ - რეალურად, 9 აპრილი გვიხსნის მომავლის გზას და ეს გზა ჩვენთვის არის ევროპა, - ამის შესახებ საქართველოს პრეზიდენტმა, სალომე ზურაბიშვილმა ოპერისა და ბალეტის თეატრში გამართულ ღონისძიებაზე განაცხადა.

როგორც ზურაბიშვილმა სიტყვით გამოსვლისას აღნიშნა, საქართველომ დამოუკიდებლობისთვის ბრძოლის გზაზე "მონობა გააუქმა, გააუქმა, მაგრამ არ დაივიწყა".

"ეს არის, პირველ რიგში, სიმბოლო სწორედ გამარჯვებისა უფრო მეტად, ვიდრე ტრაგედიისა. ამიტომ, უნდა ვიზეიმოთ 9 აპრილი და არა ვიგლოვოთ იმის მიუხედავად, რომ მართლაც ტრაგედია იყო და ქალების წვლილი ამ ტრაგედიაში, სამწუხაროდ, დიდია -  რუსის ჩექმამ და რუსის სისასტიკემ მიზნად აიღო ქალები. ეს გამარჯვება არის ყველასი იმიტომ, რომ 9 აპრილი არის სიმბოლო ერთიანობის, ერთობის. იქ რომ არ ყოფილიყო ერთად მდგარი საქართველო, არაფერი არ მოჰყვებოდა 9 აპრილს. ერთად მდგარი რომ იყო, ამას მიხვდა ზვიად გამსახურდია და ამიტომ იყო რეფერენდუმი 31 მარტს, რომელიც ასევე ჩვენი ერთობის ერთ-ერთი ყველაზე მნიშვნელოვანი თარიღია. ამას მოჰყვა მეორე 9 აპრილი და დამოუკიდებლობის აქტი, ამას მოჰყვა 26 მაისი და ჩვენი სახელმწიფო დამოუკიდებლობის აღდგენა - ამით გავაუქმეთ მონობის 70 წელი, გავაუქმეთ, მაგრამ არ დავივიწყეთ... რეალურად, 9 აპრილი გვიხსნის მომავლის გზას და ეს გზა ჩვენთვის არის ევროპა", - განაცხადა საქართველოს პრეზიდენტმა.

 დღეს, 9 აპრილის ტრაგედიიდან 34 წელი გავიდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილების მიერ თბილისში, პარლამენტის შენობასთან, მშვიდობიანი საპროტესტო აქციის დარბევას მსხვერპლი მოჰყვა.

დარბევის შედეგად 21 ადამიანი დაიღუპა, ათასობით მოქალაქე კი, დაუდგენელი შემადგენლობის გაზით მოიწამლა.

მოგვიანებით, 1991 წლის 9 აპრილს, უზენაესმა საბჭომ საქართველოს სახელმწიფოებრივი დამოუკიდებლობის აღდგენის შესახებ გამოაცხადა.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს