რა არის ამ ხალხის ქმედებაში ისეთი, რომელიც იმსახურებს სანქციების გამოყენებას?,- ასე ეხმაურება “ქართული ოცნების” დეპუტატი, მიხეილ სარჯველაძე აშშ-ის მიერ 4 ქართველი მოსამართლის დასანქცირებას.

მისი თქმით, კელი დეგნანი თავს არიდებს პასუხის გაცემას იმ საკითხზე, რომელიც სააკაშვილის დროს სასამართლო ხელისუფლებას უკავშირდება.

"რა არის ის კონკრეტული, თუნდაც საჯარო სივრცეში ხელმისაწვდომი ინფორმაცია, რომელსაც თვლიან ისეთ გადაცდომად, რომელიც იმსახურებს სანქციების გამოყენებას. იმავდროულად, კითხვა გაჩნდა იმასთან დაკავშირებით, რა არის ამ ხალხის ქმედებაში ისეთი, რომელიც იმსახურებს სანქციების გამოყენებას და რომელიც არ ჰქონდა ჩადენილი წინა ხელისუფლებას, მაგალითად. იგივე, ქალბატონი ელჩი თავს არიდებს აშკარად პასუხის გაცემას იმ საკითხზე, რომელიც უკავშირდება სააკაშვილის დროს სასამართლო ხელისუფლების მიმართ რატომ არ იქნა იგივე სანქციები გამოყენებული",- განაცხადა სარჯველაძემ.

შეგახსენებთ, რომ 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს