2023-03-30 10:10:45, 1337 ნახვა
მსოფლიო
IAEA-ს დირექტორი - ზაპოროჟიეს ატომურ ელექტროსადგურზე სიტუაცია არ გაუმჯობესებულა
ზაპოროჟიეს ატომურ ელექტროსადგურზე მდგომარეობა არ გაუმჯობესებულა,- ამის შესახებ ატომური ენერგიის საერთაშორისო სააგენტოს (IAEA) გენერალურმა დირექტორმა, რაფაელ გროსიმ განაცხადა.
გროსის თქმით, რაიონში სამხედრო აქტივობა და ჯარების რაოდენობა იმატებს. მას არ დაუკონკრეტებია გულისხმობდა თუ არა როგორც რუსულ, ისე უკრაინულ ძალებს.
გროსიმ განაცხადა, რომ ქარხნის ირგვლივ დემილიტარიზებული ზონის შექმნის თავდაპირველი გეგმები „განვითარდა“ ქარხნის უფრო მეტად დაცვისკენ და დასძინა, რომ ქარხანაში მძიმე სამხედრო ტექნიკა არ უნდა იყოს.
ცნობისთვის, ზაპოროჟიეს ატომურ ელექტროსადგური რუსული ძალების მიერ გასული წლის მარტიდანაა ოკუპირებული და ახლა მას რუსული ატომური სააგენტო ROSATOM-ი მართავს.
ავტორი: ექსპრესნიუსი,
epn.ge (@expressnews.ge)
