რუსეთის ფედერაცია ბავშვებს, როგორც ომის ნადავლს, ისე ექცევა,- ამის შესახებ ჰააგის სასამართლოს მთავარმა პროკურორმა, კარიმ ხანმა განაცხადა.

მისი თქმით, ბავშვები არ არიან ქვეყნის საკუთრება და არც ომის ნადავლი.

„თქვენ უნდა იზრუნოთ მათზე. თუ უსაფრთხოდ არ არიან, უნდა გადაიყვანოთ უკრაინის უსაფრთხო ნაწილში. თუ ეს შეუძლებელია, ნეიტრალურ მესამე ქვეყანაში. რასაც ჩვენ ვხედავთ, არ არის უბრალოდ დეპორტაცია რუსეთის ფედერაციაში, მათ ხვდებიან უცნობები, რომლებიც მოულოდნელად მათი მშვილებლები ხდებიან. ბავშვები არ არიან საკუთრება და არც ომის ნადავლი“,- განაცხადა კარიმ ხანმა.

კარიმ ხანის თქმითვე, რუსეთი არ უარყოფს ჰააგის სასამართლოს ბრალდებებს, პირიქით "მათ საპატიო ნიშნად ატარებს".

„ბავშვები არ არიან ქვეყნის საკუთრება, რომელთა გადაყვანის ახსნაც პოლიტიკური ან იდეოლოგიური მიზნებით შეიძლება. ეს კანონით უნდა დარეგულირდეს და უნდა იყოს დაცული“,- დასძინა პროკურორმა.

შეგახსენებთ, რომ 17 მარტს ჰააგის სისხლის სამართლის საერთაშორისო სასამართლომ რუსეთის პრეზიდენტის ვლადიმირ პუტინისა და ბავშვთა საკითხების ომბუდსმენის მარია ლვოვა-ბელოვას  დაკავების ორდერი გასცა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს