2023-03-15 12:36:13, 1881 ნახვა
სხვადასხვა
„ლუციფერის მხილება“ - ირაკლი კუპრაძის განცხადებით, პარლამენტის აპარატი წიგნებს არიგებს
პარტია "ლელო - საქართველოსთვის" წევრის, ირაკლი კუპრაძის განცხადებით, საქართველოს პარლამენტის აპარატი არიგებს წიგნს სახელწოდებით - "ლუციფერის მხილება".
როგორც ირაკლი კუპრაძე სოციალურ ქსელში წერს, წიგნი ანტიდასავლელ ალექსანდრე ქოჩიაშვილს ეკუთვნის და პარლამენტში უფასოდ, ტირაჟის გარეშე ავრცელებენ.
"გაგიჟდა ქართული ოცნება, საქართველოს პარლამენტის აპარატი ოფიციალურად არიგებს ამ წიგნს პარლამენტარებთან და ფრაქციებში!
გიჟი, შეთქმულების თეორიის, ანტიდასავლელი, ვინმე ალექსანდრე ქოჩიაშვილის წიგნია, გამომცემლის გარეშე, ტირაჟის გარეშე და უფასოდ ავრცელებენ.
ამერიკა, როგორც ლუციფერი, ებრაელების შეთქმულებები და მსოფლიო გადატრიალება.
ავად არიან ქოცები და საქართველოს პარლამენტი", - წერს ირაკლი კუპრაძე და ფოტოებს აქვეყნებს:
ავტორი: ექსპრესნიუსი,
epn.ge (@expressnews.ge)
