მე ასეთი არაფერი მინახავს - სააკაშვილი კი არა, საერთოდ ადამიანი არ მინახავს ასეთ მდგომარეობაში, სიკვდილის პირას არის ნამდვილად, - ამის შესახებ ახალქალაქის, კუმურდოსა და კარის ეპარქიის მმართველმა, ნიკოლოზ ფაჩუაშვილმა მესამე პრეზიდენტთან დაკავშირებით განაცხადა.

როგორც მეუფე ნიკოლოზმა კლინიკა "ვივამედში" მიხეილ სააკაშვილის ზიარების შემდეგ, მედიის წარმომადგენლებს  უთხრა, ექსპრეზიდენტი უცხოეთში სამკურნალოდ "სასწრაფოდ გასაშვებია".

"ვაზიარე და წამოვედი. მე ასეთი არაფერი მინახავს - სააკაშვილი კი არა, საერთოდ ადამიანი არ მინახავს ასეთ მდგომარეობაში. რაღაც ერთ ადგილს გაჩვენებთ, რომ მიხვდეთ - აი, ხელი რომ ჩავარდნილი აქვს ადამიანს, წარმოგიდგენიათ ეს რას ნიშნავს? ისეთი გამხდარია, განლევაა უკვე კუნთების. გავგიჟდი, ღრმული აქვს ხელზე. იწვა, ძლივს ლაპარაკობს. თვითონაც მითხრა, რომ მე ასე ცუდად არ ვყოფილვარო. მუცლის შიდა არეშიც აქვს ტკივილები დაწყებული, არ ვიცი. მოკლედ, ე.ი. სიკვდილის პირას არის ნამდვილად. შემიძლია დავიფიცო, ღვთის წინაშე ტყუილი არ მითქვამს და არც ვიტყვი არასდროს რაც არ უნდა მოხდეს, იმედი მაქვს. ტყუილს არ ვამბობ - ძალიან ცუდად არის. მკვლელობის განაჩენი არ აქვს გამოტანილი, სასწრაფოდ გასაშვებია უცხოეთში", - განაცხადა მეუფე ნიკოლოზმა.

ავტორი: ექსპრესნიუსი,

სოციალური ქსელები

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია