რუსეთის თავდაცვის სამინისტრომ განაცხადა, რომ მან „საპასუხო ოპერაცია“ ჩაატარა მაკეევკაში მდებარე რუსულ სამხედრო ბაზაზე უკრაინის თავდასხმის საპასუხოდ.

საუბარია რუსეთის მიერ 8 იანვრის ღამეს კრამატორსკის დაბომბვაზე. დონეცკის რეგიონალური სამხედრო ადმინისტრაციის ხელმძღვანელის პაველ კირილენკოს თქმით, სულ შვიდი დარტყმა იქნა მიყენებული. დაბომბვის შედეგად დაზიანდა სასწავლო დაწესებულების შენობები, სამრეწველო ობიექტი და ავტოფარეხის კოოპერატივი. კირილენკომ თქვა, რომ მსხვერპლი არ ყოფილა, მაგრამ რუსეთი სხვა მონაცემებს ასახელებს. რუსეთის თავდაცვის სამინისტროს ცნობით, დაბომბვა განხორციელდა უკრაინელი სამხედროების დროებითი განლაგების ადგილებზე: საერთო საცხოვრებელში No28 და No47. სააგენტო ამტკიცებს, რომ იმ დროს პირველში 700-ზე მეტი სამხედრო იყო, მეორეში 600-ზე მეტი.

კრამატორსკის საკრებულომ დაბომბვის ადგილიდან ფოტოები გამოაქვეყნა. ისინი აჩვენებენ, რომ ჭურვები სკოლისა და ჰოსტელის შენობებში კი არ შემოფრინდა, არამედ მათ გვერდით.

დონეცკის ოლქის მაკეევკაში 19-ე პროფესიული სასწავლებლის შენობას უკრაინის არმია 1 იანვარს ღამით თავს დაესხა. უკრაინული მხარე ამტკიცებს, რომ შედეგად შესაძლოა 400-მდე ადამიანი დაღუპულიყო, 300-მდე კი დაშავებულიყო. ამავე დროს, რუსეთის თავდაცვის სამინისტრომ მხოლოდ 89 ადამიანის გარდაცვალება აღიარა.

ავტორი: ექსპრესნიუსი,

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს