ირანში საპროტესტო აქციებთან დაკავშირებული კიდევ ერთი პირი სიკვდილით დასაჯეს. აღნიშნულის შესახებ ინფორმაციას BBC-ი ავრცელებს.

ირანის სასამართლოს განცხადებით, მაჯედ რეზა რაჰნავარდი ქალაქ მაშჰადში ჩამოახრჩვეს.

სასამართლოს ცნობითვე, ის უშიშროების ძალების ორი წევრის დაჭრისა და მკვლელობისთვის გაასამართლეს.

გარდა ამისა, როგორც Amnesty International-მა განაცხადა, ირანის ხელისუფლება სიკვდილით დასჯას მინიმუმ 21 ადამიანისთვის ითხოვს.

აღსანიშნავია, რომ საპროტესტო გამოსვლებთან დაკავშირებული პირველი სიკვდილით დასჯა მოხდა გასულ ხუთშაბათს, როდესაც მოჰსენ შეკარი ჩამოახრჩვეს, რამაც ფართო დაგმობა გამოიწვია.

დიდი ბრიტანეთის საგარეო საქმეთა მინისტრის, ჯეიმს კლერლის განცხადებით, „მსოფლიომ არ შეიძლება თვალი დახუჭოს ირანის რეჟიმის მიერ საკუთარი ხალხის წინააღმდეგ ჩადენილ საზიზღარ ძალადობაზე“.

შეგახსენებთ, რომ ირანში ანტისამთავრობო დემონსტრაციები სექტემბრის შუა რიცხვებში, 22 წლის გოგონას გარდაცვალების შემდეგ დაიწყო, რომელიც თეირანში მორალის პოლიციამ ჰიჯაბის არასწორად ტარებისთვის დააკავა და რამდენიმე დღის შემდეგ გარდაიცვალა. პოლიციის მტკიცებით, გოგონა სადგურზე ცუდად გახდა, საიდანაც იგი საავადმყოფოში გადაიყვანეს, სადაც მალევე გარდაიცვალა. ამასთან, ახლობლების თქმით, გარდაცვალების მიზეზი სასტიკი მოპყრობა და ცემა გახდა.

შეუჩერებელ აქციებთან დაკავშირებით, რომლებიც ქვეყნის ასამდე ქალაქში იმართება, ოქტომბრის ბოლოსთვის, მხოლოდ თეირანში ბრალი 315 ადამიანს წაუყენეს, მათ ბრალი ეროვნული უსაფრთხოების წინააღმდეგ შეთქმულებაში, ხელისუფლების წინააღმდეგ პროპაგანდაში და საზოგადოებრივი წესრიგის დარღვევაში ედებათ.

უფლებადამცველი ჯგუფის HRANA-ს ცნობით, არეულობის დროს 18 000-ზე მეტი ადამიანია დაკავებული, ხოლო 488 დაიღუპა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს