უკრაინას ჩვენ იარაღი მივეცით, მაგრამ მივხვდით, რომ ჩვენი სამხედრო მარაგი ამოიწურა,- ამის შესახებ ევროკავშირის საგარეო ქმედებათა სამსახურის ხელმძღვანელმა, ჯოზეფ ბორელმა განაცხადა.

ბორელის თქმით, ევროკავშირში აცნობიერებენ, რომ უფრო მაღალი დონის საფრთხეებისგან თავის დასაცავად კრიტიკული თავდაცვის შესაძლებლობები აკლიათ. 

"უკრაინას ჩვენ იარაღი მივეცით, მაგრამ  მივხვდით, რომ ჩვენი სამხედრო მარაგი ამოიწურა, როდესაც ჩვეულებრივი ომი დაბრუნდა ევროპის გულში.  ჩვენ ასევე მივხვდით, რომ გვაკლია კრიტიკული თავდაცვის შესაძლებლობები, რათა შეგვეძლოს თავის დაცვა უფრო მაღალი დონის საფრთხეებისგან თავად ევროპის კონტინენტზე",- განაცხადა ბორელმა.

მისივე თქმით, მნიშვნელოვანია, რომ ევროკავშირმა გააგრძელოს უკრაინის პოლიტიკური, ეკონომიკური და სამხედრო დახმარება რუსეთის უკან დასახევად და ეს დახმარება უკრაინის გამარჯვებამდე არ უნდა შეჩერდეს.

„ევროპელები აშკარად ზრდიან თავდაცვის ხარჯებს და შესაძლებლობებს. ამის შესახებ ევროპის თავდაცვის სააგენტოს ანგარიშშია ნათქვამი. ეს ძალიან საჭიროა, რადგან ჩვენ გავაგრძელებთ უკრაინის მხარდაჭერას. ჩვენ ერთად მეტი ინვესტიცია უნდა ჩავდოთ, რათა მოვამზადოთ ევროპული არმიები უფრო საშიში სამყაროს წინაშე“,- დასძინა ბორელმა.

ავტორი: ექსპრესნიუსი,

სოციალური ქსელები

პუტინის წარმომადგენელი კირიენკო აფხაზეთში ჩავიდა, მან აფხაზი სეპარატისტების მემორიალი შეამკო

კიევზე რუსული საჰაერო დარტყმის შედეგად დაღუპულთა რიცხვი 13-მდე გაიზარდა

კუსტარული ნარკოლაბორატორია აღმოვაჩინეთ, ამოღებულია 7 კგ-მდე ნარკოტიკი - შსს [VIDEO]

უკრაინამ ნიჟნი ნოვგოროდის ოლქში ნავთობგადამამუშავებელ ქარხანას დაბომბა, რომელიც მოსკოვს საწვავით ამარაგებს