მოსკოვში, მეშჩანსკის რაიონულ სასამართლოში, პოლიტიკოს ილია იაშინის შესახებ განაჩენის გამოტანის შემდეგ, ოთხი ადამიანი დააკავეს. ამის შესახებ "OVD-Info" იუწყება.

ერთ-ერთმა დაკავებულმა, ანდრეი ჟვაკინმა განაცხადა, რომ სასამართლოს შენობაში ტაშის შემდეგ დააკავეს.

ჟვაკინის გარდა, მანდატურებმა სერგეი მორარი, ნატალია ტიმაშევა და კიდევ ერთი პირი დააკავეს. ყველა დაკავებული სასამართლოდან ოქმებით გათავისუფლდა მანდატურის ბრძანების შეუსრულებლობის მუხლით (ადმინისტრაციულ სამართალდარღვევათა კოდექსის 17.3 მუხლის მე-2 ნაწილი).

დღეს მეშჩანსკის რაიონულმა სასამართლომ იაშინს 8,5 წელი მიუსაჯა სასჯელაღსრულების კოლონიაში. სისხლის სამართლის საქმის აღძვრის მიზეზი გახდა იაშინის სტრიმი ბუჩაში რუსი სამხედროების დანაშაულებებზე, რომელიც მან აპრილში YouTube-ზე უმასპინძლა.

პროკურორი დაჟინებით მოითხოვდა 9 წლით თავისუფლების აღკვეთას, ასევე სურდათ, პოლიტიკოსს სასჯელის მოხდის შემდეგ რამდენიმე წლით აეკრძალათ ინტერნეტით სარგებლობა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს