პატიმარ სააკაშვილის საკითხის შეფასება ჩვენ დავასრულეთ, აღარ ვაკეთებთ კომენტარს, ეს არ არის პოლიტიკოსების საქმე, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებთან საუბრისას განაცხადა.

მისი თქმით,  საქართველოს მესამე პრეზიდენტის მდგომარეობა და სამკურნალოდ საზღვარგარეთ გადაყვანა სამართლებრივი საკითხია. 

„პატიმარ სააკაშვილის საკითხის შეფასება ჩვენ დავასრულეთ. ჩვენ აღარ ვაკეთებთ კომენტარს, ეს არ არის პოლიტიკოსების საქმე - პატიმარ სააკაშვილთან დაკავშირებით ყოველ დღე, ყოველ კვირა შეფასებების გაკეთება. ეს არის წმინდად სამართლებრივი საკითხი, შესაბამისის სახელმწიფო სამსახურისთვის, ვინც მათი კომპეტენციის ფარგლებში არიან უფლებამოსილი რომ ისაუბრონ, მხოლოდ ისინი გააკეთებენ, როცა ჩათვლიან საჭიროდ”,- განაცხადა ოხანაშვილმა.

შეგახსენებთ, რომ დღეს, თბილისის საქალაქო სასამართლოში საქართველოს მესამე პრეზიდენტის, მიხეილ სააკაშვილის სასჯელის გადავადებაზე იმსჯელებენ.

სხდომა 13:00 საათზეა დანიშნული და მოსამართლე გიორგი არევაძე განიხილავს. 

პროცესზე დასწრების სურვილი გამოთქვა თავად ექსპრეზიდენტმა. მისი ადვოკატის, შალვა ხაჭაპურიძის განცხადებით, თუ „ვივამედიდან" არ იქნება სათანადო ცნობა, მაშინ დააყენებენ შუამდგომლობას, რათა სასამართლო თავად მოვიდეს კლინიკაში.

პარალელურად, საქალაქო სასამართლოსთან შეკრებას და აქციას გეგმავენ მიხეილ სააკაშვილის მხარდამჭერები.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს