უზბეკეთმა შეწყვიტა რუსეთთან და ყაზახეთთან "სამმხრივი გაზის გაერთიანება", რომელიც ადრე კრემლის მიერ იყო შემოთავაზებული. ამის შესახებ Reuters წერს.

უზბეკეთის ენერგეტიკის მინისტრმა და ვიცე-პრემიერმა ჟურაბეკ მირზამახმუდოვმა განაცხადა, რომ ტაშკენტი არ დათანხმდება პოლიტიკურ პირობებს, რომლებიც საფრთხეს შეუქმნის მის ეროვნულ ინტერესებს:

„თუ ჩვენ სხვა ქვეყნიდან შემოვიტანთ გაზს, ჩვენ მხოლოდ კომერციული გაყიდვის ხელშეკრულების საფუძველზე ვთანამშრომლობთ. ჩვენ არასდროს დავთანხმდებით პოლიტიკურ პირობებზე გაზის სანაცვლოდ. მოკლედ, ჩვენ მიერ შეთავაზებულ გაზის კონტრაქტს მხოლოდ იმ შემთხვევაში მივიღებთ, თუ ამაზე დავთანხმდებით, თორემ არა“. - აღნიშნა ვიცე პრემიერმა.

ამასთან, ენერგეტიკის მინისტრმა განაცხადა, რომ რუსეთთან გაზის ხელშეკრულების გაფორმება ჯერ კიდევ შესაძლებელია, მაგრამ „შეთანხმება არ ნიშნავს ალიანსს“. მირზამახმუდოვის თქმით, უზბეკეთი აწარმოებს მოლაპარაკებებს რუსული გაზის მიწოდებაზე ყაზახეთის გავლით, მაგრამ აქ საუბარია არა ალიანსზე, არამედ ტექნიკურ კონტრაქტზე.
„სამმაგი გაზის გაერთიანების“ შესაძლო გაჩენის შესახებ 28 ნოემბერს გახდა ცნობილი. ამ ინიციატივის შესახებ ყაზახეთის პრეზიდენტმა კასიმ-ჟომარტ ტოკაევმა რუსეთის პრემიერ-მინისტრ მიხაილ მიშუსტინთან შეხვედრაზე ისაუბრა. მან ხაზგასმით აღნიშნა, რომ ეს მოდის ვლადიმერ პუტინისგან. ამის შესახებ კრემლის პრესსპიკერმა დიმიტრი პესკოვმა დაადასტურა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს