ეს არის მიზანმიმართული მცდელობა, რომ ადამიანი ან მიიყვანონ სიკვდილამდე ან მიიყვანონ ისეთ მდგომარეობამდე, როცა მას ექნება ჯანმრთელობის სერიოზული პრობლემები, მათ შორის ფსიქიკურიც, - ამის შესახებ "გირჩი მეტი თავისუფლების" ლიდერმა, ზურაბ ჯაფარიძემ საქართველოს მესამე პრეზიდენტთან დაკავშირებით განაცხადა.

ჯაფარიძის თქმით, მიხეილ სააკაშვილი "მხოლოდ ამის შემდეგ შესაძლოა გაუშვან".

"მე მგონია, რომ ეს არის მიზანმიმართული მცდელობა, რომ ეს ადამიანი ან მიიყვანონ სიკვდილამდე ან მიიყვანონ ისეთ მდგომარეობამდე, როცა მას ექნება ჯანმრთელობის სერიოზული პრობლემები, მათ შორის ფსიქიკურიც, რის გამოც ის მომავალში ვეღარ შეძლებს არათუ პოლიტიკურ აქტიურობას, არამედ ნორმალური ცხოვრების გაგრძელებას. მხოლოდ ამის შემდეგ შეიძლება გაუშვან. მე რასაც ვუყურებ, მრჩება ეს შთაბეჭდილება, რომ არის მიზანმიმართული ქმედება ან ერთისკენ, ან მეორისკენ. ჩემი აზრით, სააკაშვილი გასათავისუფლებელია ისედაც იმიტომ, რომ ის არის პოლიტიკური დევნის მსხვერპლი. მისი და მისი ოჯახის პოზიცია ამ წუთში არის ის, რომ პოლიტიკური მდგენელი ამ ამბიდან გავიტანოთ გარეთ და მე არ მგონია, რომ ვინმეს ჰქონდეს უფლება, უფრო მეტი პასუხისმგებლობა აიღოს საკუთრ თავზე. საუბარი არის, რომ ეს საკითხი განხილული იყოს მხოლოდ და მხოლოდ მისი ჯანმრთელობის მდგომარეობის კონტექსტში", - განაცხადა ჯაფარიძემ "ტვ პირველის" ეთერში საუბრისას.

შეგახსენებთ, საქართველოს მესამე პრეზიდენტის სასამართლო პროცესი 9 დეკემბერს, 13:00 საათზეა ჩანიშნული. მიხეილ სააკაშვილის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს