მუნიციპალიტეტების საქმიანობაში მოქალაქეები აქტიურად ჩაერთვებიან.

ცვლილებას ადგილობრივი თვითმმართველობის კოდექსი ითვალისწინებს. პროექტის თანახმად, მოქალაქეებს საშუალება ექნებათ, სოფლის, დაბის,  ქალაქის საერთო კრებაში მონაწილეობა მიიღონ და დასახლებებისა და მუნიციპალიტეტებისათვის მნიშვნელოვანი საკითხების განხილვის, გადაწყვეტისა და მუნიციპალიტეტის ორგანოების წინაშე ინიცირების პროცესში აქტიურად ჩაერთონ.

ამასთან, პროექტი მუნიციპალიტეტის საკრებულოს ავალდებულებს,  საერთო კრების მუდმივმოქმედი ორგანოს განცხადებები, მოთხოვნები და წარდგინებები განიხილოს და მას განხილვის შედეგების შესახებ აცნობოს. 

გამგეობასთან/მერიასთან  როგორც სათათბირო ორგანო- სამოქალაქო მრჩეველთა საბჭო ჩამოყალიბდება.
აღნიშნული კანონპროექტი რეგიონული განვითარებისა და ინფრასტრუქტურის სამინისტროში მომზადდა. პროექტის მომზადებაში ჩართულები იყვნენ ასევე ფონდი "ღია საზოგადოება-საქართველო" და 16 სხვა არასამთავრობო ორგანიზაცია. 

ინფრასტრუქტურის მინისტრის მოადგილის თენგიზ შერგელაშვილის განცხადებით, პროექტი  მთავრობას გადაეგზავნება. შერგელაშვილმა იმედი გამოთქვა, რომ აღნიშნული კანონპროექტი პარლამენტს რამდენიმე კვირაში წარედგინება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს