დღეს გამოწვევების დრო დგას და მათი დაძლევა შესაძლებელია მხოლოდ ერთად ყოფნით, - ამის შესახებ აფხაზეთში ვიზიტის ფარგლებში, რუსეთის სახელმწიფო სათათბიროს თავმჯდომარემ, ვიაჩესლავ ვოლოდინი ასლან ბჟანიასთან შეხვედრისას განაცხადა. 

რუსეთის დუმის სპიკერმა ხაზი გაუსვა, რომ დღეს სახელმწიფო დუმასა და აფხაზეთის ე.წ პარლამენტს შორის შეთანხმება გაფორმდა, რომლის ფარგლებშიც მაღალი დონის კომისია შეიქმნა. 

"დღეს გამოწვევების დრო დგას და ამ გამოწვევების დაძლევა შესაძლებელია მხოლოდ ერთად ყოფნით, ამიტომაც ჩვენ გამოვდივართ იქიდან, რომ სახელმწიფო სათათბიროსა და აფხაზეთის პარლამენტს აქვს ყველა შესაძლებლობა რომ ეს გამოწვევები დაძლიოს და სანქციებს გაუმკლავდეს. ამისთვის საჭიროა, რომ უკეთ გვესმოდეს ერთმანეთის, დიალოგის გარეშე კი, ეს შეუძლებელია.

როცა ჩვენ ვსაუბრობთ ჩვენს ქვეყნებზე, უნდა გამოვიდეთ იქიდან, რომ ურთიერთობები მოკავშირე, სტრატეგიული ხასიათისაა. მაგრამ ურთიერთობების დინამიკას ადგენენ სახელმწიფოს მეთაურები. ჩვენი ამოცანაა მიღებული გადაწყვეტილებების კანონიერად უზრუნველყოფა. ჩვენ ეს პრობლემა ეფექტურად უნდა გადავჭრათ",- განაცხადა დუმის სპიკერმა. 

ცნობისთვის, რუსეთის სახელმწიფო სათათბიროს სპიკერი ვიაჩესლავ ვოლოდინი აფხაზეთში 1 დეკემბერს ჩავიდა. ვოლოდინი ე.წ პარლამენტში ლაშა აშუბას შეხვდა, სადაც მხარეებმა ხელი მოაწერეს შეთანხმებას "აფხაზეთის სახალხო კრებასა და რუსეთის ფედერალური კრების სახელმწიფო დუმას შორის თანამშრომლობის შესახებ".

რუსეთის სახელმწიფო სათათბიროს სპიკერი ასევე შეხვდა აფხაზეთის ე.წ პრეზიდენტს ასლან ბჟანიას.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს