მე არ მჯერა, რომ ბიძინა ივანიშვილი გამოუშვებს მიხეილ სააკაშვილს, მიუხედავად იმისა, რომ გამოსაშვებია,- ამის შესახებ "გირჩი მეტი თავისუფლების" ლიდერმა, ზურაბ ჯაფარიძემ ჟურნალისტებთან საუბრისას განაცხადა.

მისი თქმით, მესამე პრეზიდენტის ციხიდან გამოშვება ივანიშვილისთვის იქნება სისუსტის ნაბიჯი, რომელსაც არ გადადგამს, სანამ მეორე მხარეს არ იქნება ანგარიშგასაწევი ძალა.

"მე არ მჯერა, რომ ივანიშვილი გამოუშვებს სააკაშვილს, მიუხედავად იმისა, რომ სააკაშვილი გამოსაშვებია, როგორც ჯანმრთელობის პრობლემების გამო და ასევე იმიტომ, რომ ის არის პოლიტიკურად მოტივირებული დევნის მსხვერპლი. ივანიშვილის აღქმა არის ის, რომ ეს მისთვის იქნება უკან დახევა და სისუსტის ნაბიჯი და ის ამ ნაბიჯს არ გადადგამს მანამ, სანამ მეორე მხარეს არ იქნება ანგარიშგასაწევი ძალა, რომელიც მას აიძულებს რომ ეგ ნაბიჯი გადადგას",- ამბობს ჯაფარიძე. 

ცნობისთვის, საქართველოს მესამე პრეზიდენტის სასჯელისგან გათავისუფლების ან გადავადების საქმეს მოსამართლე გიორგი არევაძე განიხილავს. როგორც მიხეილ სააკაშვილის ადვოკატმა განაცხადა, ამ საქმეზე ყველა ქმედება იქნება გამადიდებელი შუშის ქვეშ დაკვირვებული და გეგმავენ, სასამართლოდან გამოითხოვონ ჩანაწერები იმის შესახებ, თუ რა პრინციპით მოხდა მოსამართლე არევაძის არჩევა. 

შეგახსენებთ, რომ გუშინ, საქართველოს მესამე პრეზიდენტის, მიხეილ სააკაშვილის სასჯელის მოხდისგან გათავისუფლების ან სასჯელის გადავადებასთან დაკავშირებით, ადვოკატმა სასამართლოს შუამდგომლობით მიმართა. 

დოკუმენტებში, რომელიც შალვა ხაჭაპურიძემ სასამართლოში დილით შეიტანა, აღნიშნულია,  რომ ექსპრეზიდენტს 20 დაავადება აქვს, რომელთაგან უმეტესობა პატიმრობაში ყოფნისას განუვითარდა. 

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს