ნაცვლად იმისა, რომ გადაეტრიალებინათ მთავრობა, გადაატრიალეს საკუთარი თავმჯდომარე, - ამის შესახებ "ქართული ოცნების" თავმჯდომარემ, ირაკლი კობახიძემ "ერთიან ნაციონალურ მოძრაობასთან" დაკავშირებით განაცხადა.

მმართველი პოლიტიკური პარტიის ლიდერმა დღეს ჟურნალისტებს უთხრა, რომ ოპოზიციურ პარტიაში მიმდინარე პროცესები ენმ-ს დაასუსტებს, რაც "ძალიან კარგია".

"მიდის შიდა ბრძოლა, დაპირისპირება ძალაუფლებისთვის, ფულისთვის - კეზერაშვილის, სააკაშვილისა და სხვების ფულისთვის. ეს არის შიდა დაპირისპირება, რაც საბოლოო ჯამში, დაასუსტებს ამ პარტიას და შესაბამისად, ეს არის ძალიან კარგი პროცესი. ნაცვლად იმისა, რომ ჩაეტარებინათ ქვეყანაში რიგგარეშე არჩევნები, ატარებენ რიგგარეშე არჩევნებს საკუთარ პარტიაში და ნაცვლად იმისა, რომ გადაეტრიალებინათ მთავრობა, გადაატრიალეს საკუთარი თავმჯდომარე. ეს არის რეალობა, რაც ძალიან კარგია. პოლარიზაცია უნდოდათ მათ ქვეყანაში, რადიკალიზმი უნდოდათ ქვეყანაში და საბოლოო ჯამში, ამ პოლარიზაციას, ურთიერთდაპირისპირებასა და რადიკალიზმს მიაღწიეს საკუთარ პარტიაში", - აცხადებს კობახიძე.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს