„ისლამური სახელმწიფოს “ ჯიჰადისტურმა დაჯგუფებამ განაცხადა, რომ მათი ლიდერი,  ძალადობრივი ექსტრემისტული ფრაქციის მესამე ხელმძღვანელი, ბრძოლაში დაიღუპა. ამის შესახებ ინფორმაციას The Guardian ავრცელებს. 

ჯგუფის სპიკერმა თქვა, რომ ერაყელი აბუ ალ-ჰასან ალ-ჰაშიმი ალ-ყურაში დაიღუპა „ღვთის მტრებთან ბრძოლაში“, მისი გარდაცვალების თარიღისა და გარემოებების დაზუსტების გარეშე.

აშშ-ს სამხედრო ცენტრალური სარდლობის განცხადებით, ჰაშიმი მოკლეს ოქტომბრის შუა რიცხვებში სირიის თავისუფალი არმიის მეამბოხეების მიერ სამხრეთ სირიის პროვინცია დარაასში ჩატარებული ოპერაციის შედეგად.

აღნიშნულ პროვინციას ძირითადად სირიის სამთავრობო ძალები და მეამბოხეები აკონტროლებენ. ოქტომბრის შუა რიცხვებში დამასკოსმა განაცხადა, რომ პროვინციის სამხრეთში ყოფილ ამბოხებულებთან ერთად IS-ის წინააღმდეგ ერთობლივი ოპერაცია დაიწყო.

IS-ის ალტერნატიული აკრონიმის გამოყენებით, აშშ-ს ეროვნული უშიშროების საბჭოს სპიკერმა, ჯონ კირბიმ თქვა: „ჩვენ მივესალმებით განცხადებას, რომ „ისლამური სახელმწიფოს“ კიდევ ერთი ლიდერი აღარ დადის დედამიწის ზურგზე“.

„ისლამური სახელმწიფოს “ სპიკერმა ახალი ლიდერად აბუ ალ-ჰუსეინ ალ-ჰუსეინი ალ-ყურაში დაასახელეს. 

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს