წლების განმავლობაში არსებობდა მითები ამ ქვეყანაში, რომ თითქოს ნაცები იყვნენ პროფესიონალები და „სვეცკები“. - ამის შესახებ ფრაქცია „ქართული ოცნების“ თავმჯდომარე, მამუკა მდინარაძემ განაცხადა.

მისივე თქმით, რაც არის ხაბეიშვილი და რაც არის მელია, ის არის „ნაცმოძრაობა“ ერთი-ერთში.

„ნაცმოძრაობა არ გაყონ არ დაგვღუპონ. ცოტა სერიოზულად რაც შეეხება, დღესაც იძახიან, რომ ინტელექტუალების სამჭედლო არისო „ნაცმოძრაობა“. წლების განმავლობაში არსებობდა მითები ამ ქვეყანაში, რომ თითქოს ნაცები პროფესიონალები და „სვეცკები“ იყვნენ. რამდენად გოიმები და არაპროფესიონალები არიან წარმოიდგინეთ, პარტიის თავმჯდომარეობის კანდიდატებად ჰყავთ ხაბეიშვილი მელია და ვიღაც მუმლაძე. ეს სამი ადამიანი არის მთავარი სამი ადამიანი, რომელთა შორისაც ერთ-ერთი ლიდერად უნდა აირჩიონ და პროფესიონალიზმზე და „სვეცკობაზე“ ლაპარაკობენ. ეს არის „ნაცმოძრაობა“, რეალურად ეს არის მათი წარსულიც, აწმყოც და მომავალიც. თუ ვიღაცას მიაჩნია, რომ ესენი კარგები არიან, აზრზე მოსულები არიან, მათი ტერმინოლოგიით ვილაპარაკოთ, პროფესიონალები არიან და ა.შ. კი ბატონო, მაშინ ნაცმოძრაობაც ასე ყოფილა, მაგრამ რაც არის ხაბეიშვილი, რაც არის მელია, ის არის „ნაცმოძრაობა“ ერთი-ერთში იმიტომ, რომ ხელმძღვანელობაზე ისინი იყრიან კენჭს და ისინი არიან ერთმანეთის კონკურენტები და რამდენად რეალური იყო ის მითები ახლა საზოგადოებამ გადაწყვიტოს“- ნათქვამია განცხადებაში.

შეგახსენებთ, რომ 9 ნოემბერს, ირაკლი ნადირაძემ რეგიონულ ლიდერებთან ერთად გამართულ ბრიფინგზე განაცხადა, რომ "ერთიანი ნაციონალური მოძრაობის" ნაწილი პარტიაში შიდა არჩევნების ჩატარებასა და ახალი თავმჯდომარის არჩევას ითხოვს.

ლევან ხაბეიშვილმა პარტიის ოფისში გამართულ ბრიფინგზე საკუთარი კანდიდატურა 16 ნოემბერს წარადგინა.

ამის საპასუხოდ, პარტიის მოქმედმა თავმჯდომარემ, ნიკა მელიამ თქვა, რომ ეს იყო ნაჩქარევი განცხადება, რომელსაც "შორსმიმავალი გეგმები" აქვს, თუმცა მზადაა, რომ თავმჯდომარის არჩევნებში მონაწილეობა მიიღოს.

თავმჯდომარის პოსტზე საკუთარი კანდიდატურა წარადგინა ნიკა მელიასთან დაპირისპირებაში მყოფმა გიორგი მუმლაძემ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს