ეს არის უღიმღამო, არაამბიციური ბიუჯეტი, სადაც არც ერთი მნიშვნელოვანი პროექტი და ინიციატივა არ არის შესული, - ასე აფასებს პარტია "ლელოს" და თბილისის საკრებულოს წევრი, საბა ბუაძე დედაქალაქის საკრებულოში 2023 წლის ბიუჯეტის განხილვას.

მისი თქმით, ბიუჯეტი ვერ პასუხობს ქვეყანაში არსებულ ორნიშნა ინფლაციას და ძირითადად მოიცავს იმ მიმდინარე ხარჯების დაფარვას, რომელიც თბილისის მუნიციპალიტეტში არსებობს. 

"ეს არის უღიმღამო, არაამბიციური ბიუჯეტი, სადაც არც ერთი მნიშვნელოვანი პროექტი და ინიციატივა არ არის შესული და ძირითადად მოიცავს იმ მიმდინარე ხარჯების დაფარვას, რომელიც თბილისის მუნიციპალიტეტში არსებობს. ჩვენ ვხედავთ, რომ ეს ბიუჯეტი ვერანაირად ვერ პასუხობს იმ ორნიშნა ინფლაციას, რომლის შედეგადაც თბილისსა და მთლიანად საქართველოში ფასები კატასტროფულად იზრდება. მთლიანობაში არც ერთი კრიტიკული მიმართულებით არ გვაქვს ამ ბიუჯეტზე პასუხები.

დედაქალაქის საკრებულოში 2023 წლის თბილისის ბიუჯეტის განხილვა მიმდინარეობს. მომავალი წლის თბილისის საკრებულოს ბიუჯეტი 121 მილიონი ლარით მცირდება.

ცნობისთვის, თბილისის საკრებულოს 2023 წლის ბიუჯეტის პროექტის განხილვა მიმდინარეობს.   დოკუმენტის თანახმად, მომდევნო წელს თბილისის მერიის გადასახდელების მოცულობა 1.44 მილიარდი ლარი იქნება, რაც წლევანდელთან შედარებით 120 მილიონი ლარით ნაკლებია.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს