2022-11-22 09:28:44, 1084 ნახვა
მსოფლიო
ნორვეგია უკრაინას გაზის შესასყიდად 195 მლნ დოლარზე მეტს გამოუყოფს
ნორვეგია უკრაინას ზამთარში გაზის შესასყიდად 195 მილიონ დოლარზე მეტს გამოუყოფს.
უკრაინული მედია ნორვეგიის მთავრობაზე დაყრდნობით იუწყება, რომ ქვეყნის ფინანსთა მინისტრმა აღნიშნულთან დაკავშირებით, ევროპის რეკონსტრუქციისა და განვითარების ბანკთან შეთანხმებას ხელი უკვე მოაწერა.
„უკრაინამ სპეციალურად მიმართა ნორვეგიას, მხარი დაუჭიროს ბუნებრივი აირის შესყიდვისას ზამთარში. დრო კრიტიკულია და ჩვენ მოხარული ვართ, რომ EBRD არის ჩვენი პარტნიორი გაზის შესყიდვაში. მნიშვნელოვანია მხარდაჭერის მიწოდება საერთაშორისოდ აღიარებული ორგანიზაციის მეშვეობით, რომელიც უზრუნველყოფს დაფინანსების ეფექტურ და გამჭვირვალე გამოყენებას“, - განაცხადა ფინანსთა მინისტრმა.
ავტორი: ექსპრესნიუსი,
epn.ge (@expressnews.ge)
