თურქეთმა ჩრდილოეთ სირიასა და ჩრდილოეთ ერაყში მდებარე ქურთი მებრძოლების ბაზებზე ავიადარტყმები განახორციელა. არაოფიციალური ინფორმაციით, სირიის სასაზღვრო ქალაქ კობანში 12 ადამიანი დაიღუპა, არიან დაშავებულებიც. 

Reuters-ი თურქეთის თავდაცვის სამინისტროზე დაყრდნობით წერს, რომ საჰაერო დარტყმების სამიზნე იყო უკანონო ქურთისტანის მუშათა პარტიის (PKK) და სირიის ქურთული YPG მილიციის ბაზები, რომლებიც PKK-ის ფრთაა. 

თავდაცვის სამინისტროს მიერ გავრცელებული ინფორმაციის თანახმად, სწორედ აღნიშნული ბაზები გამოიყენებოდა თურქეთზე თავდასხმების განსახორციელებლად.

თურქეთის მთავრობის განცხადებით, 13 ნოემბერს, სტამბოლში, ისტიკლალის გამზირზე მომხდარ აფეთქებაში, რომლის შედეგადაც 6 ადამიანი დაიღუპა და 80-ზე მეტი დაშავდა, ქურთი მებრძოლები მონაწილეობდნენ. 

აღსანიშნავია, რომ აფეთქებაზე არც ერთ დაჯგუფებას პასუხისმგებლობა არ აუღია.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს