უკრაინის წინააღმდეგ რუსეთის სასტიკი და აგრესიული ომი გვიბიძგებს, ერთად დავდგეთ და ევროპის თავისუფლება საიმედოდ დავიცვათ, - ამის შესახებ გერმანიის კანცლერმა, ოლაფ შოლცმა განაცხადა.

შოლცმა ბერლინში, დასავლეთ ბალკანეთის ექვსი ქვეყნის ლიდერებთან შეხვედრაზე აღნიშნა, რომ დრო მოვიდა, ევროპამ რეგიონული კონფლიქტები გადალახოს.

"ახლა დროა, გადავლახოთ რეგიონული კონფლიქტები, რომლებიც დიდი ხანია გრძელდება. კონფლიქტებმა გაგყოთ თქვენ და შეაფერხა თქვენი ქვეყნების სვლა ევროპულ გზაზე", - განაცხადა გერმანიის კანცლერმა.

შოლცის თქმით, ბალკანეთის ქვეყნების - ალბანეთის, ბოსნია-ჰერცოგოვინის, კოსოვოს, ჩრდილოეთ მაკედონიის, მონტენეგროსა და სერბეთის ევროკავშირში გაწევრიანების საკითხი უკრაინაზე რუსეთის თავდასხმის შემდეგ კიდევ უფრო მნიშვნელოვანი გახდა.

”დასავლეთ ბალკანეთის 6 სახელმწიფო მიეკუთვნება ევროპის თავისუფალ და დემოკრატიულ ნაწილს. ამ კონტექსტში, ამ რეგიონის კეთილდღეობა და სტაბილურობა არ შეიძლება განიხილებოდეს დანარჩენი ევროპისგან განცალკევებით. ევროპა არის სრული მხოლოდ დასავლეთ ბალკანეთთან ერთად”, - თქვა კანცლერმა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს