2022-11-02 17:38:56, 1088 ნახვა
მსოფლიო
პოლონეთი რუსეთის საზღვარზე ღობის მშენებლობას იწყებს
პოლონეთი რუსეთის კალინინგრადის საზღვარზე ღობეს ააშენებს. აღნიშნულ ინფორმაციას Reuters ავრცელებს.
მედიის ცნობით, პოლონეთის თავდაცვის მინისტრმა, მარიუშ ბლაშჩაკმა პრესკონფერენციაზე განაცხადა, რომ დროებითი 2,5 მეტრის (8 ფუტი) სიმაღლისა და 3 მეტრის სიღრმის ბარიერის მშენებლობა დაუყოვნებლივ დაიწყება.
ბლაშჩაკმა შეშფოთება გამოთქვა, რომ ანკლავი არალეგალური მიგრაციის გამტარი შეიძლება გახდეს და მისი თქმით, სწორედ ამიტომ, კალინინგრადის მავთულის ბარიერი პოლონეთის მიერ ბელარუსის საზღვართან გაკეთებული ბარიერის მსგავსი იქნება.
ცნობისთვის, პოლონეთმა ბელარუსის საზღვარზე ბარიერი მიგრანტების გამო დაპირისპირების შემდეგ ააშენა.
ავტორი: ექსპრესნიუსი,
epn.ge (@expressnews.ge)
