რუსმა ოკუპანტებმა კახოვკას ჰესი ჯერ კიდევ აპრილში დანაღმეს და ახლა ჰესის სამთო საკეტებსა და საყრდენებზე სამუშაოებს აწარმოებენ, - ამის შესახებ ინფორმაციას უკრაინის თავდაცვის სამინისტროს დაზვერვის მთავარი სამმართველო ავრცელებს.

უწყებაში ამბობენ, რომ ოკუპანტები ამ ტერიტორიაზე ტერორისტული თავდასხმების სერიას ამზადებენ. 

"განადგურების საფრთხის ქვეშ იმყოფება კახოვსკის წყალსაცავის კაშხალი და კახოვსკის ჰიდროელექტროსადგურის ბლოკები. კაშხლის აფეთქება წინასწარ იყო დაგეგმილი - ძირითადი დანაღმვის სამუშაოები ჯერ კიდევ აპრილში განხორციელდა. 

მიმდინარე კვირაში კახოვის ჰესის საკეტები და საყრდენები დამატებით დანაღმეს. კაშხალზე დამონტაჟებულია 2 სამხედრო სატვირთო მძღოლის გარეშე. ორივე მანქანა სრულად არის დატვირთული ასაფეთქებელი ნივთიერებების ყუთებით.

თუ ეს გეგმები განხორციელდება, ათობით უკრაინული დასახლება, მათ შორის ხერსონი, დაზარალდება. ამ შემთხვევაში, ეკოლოგიური კატასტროფის მასშტაბები ბევრად გასცდება უკრაინის საზღვრებს და გავლენას მოახდენს შავი ზღვის მთელ რეგიონზე", - ნათქვამია დაზვერვის ინფორმაციაში.

შეგახსენებთ, რომ რამდენიმე დღის წინ, ხერსონში მოსახლეობის ევაკუაცია განხორციელდა. 

ოლქის ე.წ. გუბერნატორის მოვალეობის შემსრულებელმა, ვლადიმირ სალდომ მაშინ მოსახლეობის ევაკუაციის მიზეზად დაასახელა წყალდიდობის საფრთხე, რომელიც მისივე თქმით, კახოვკას ჰიდროელექტროსადგურის კაშხალზე უკრაინელი სამხედროების იერიშს შესაძლოა გამოეწვია.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება