ირანმა რუსეთის მიერ ოკუპირებულ ყირიმში სამხედრო პერსონალი გაგზავნა, რათა რუს სამხედროებს Shahed-136 კამიკაძე დრონების გამოყენება ასწავლონ. აღნიშნულის შესახებ ინფორმაციას ომის შესწავლის ინსტიტუტი (ISW) ავრცელებს.

ანალიტიკოსების თქმით, ამ გზით ირანი უკრაინის წინააღმდეგ ომის გაგრძელებას უწყობს ხელს.

„ნებისმიერი ირანელი პერსონალი უკრაინაში, სავარაუდოდ, IRGC-ის დრონების ინსტრუქტორი იყო. გაურკვეველია ირანელი ინსტრუქტორები თავად ატარებენ თვითმფრინავებს, თუ უბრალოდ ასწავლიან რუს ჯარებს როგორ გააკეთონ ეს", - აღნიშნავენ ისტიტუტში.

მათივე თქმით,  სექტემბრის შუა რიცხვებიდან რუსულმა ძალებმა განალაგეს ათობით Shahed-136 უკრაინაში სამოქალაქო სამიზნეების წინააღმდეგ, რაც უპირატესობას ანიჭებს ტერორისტულ ზემოქმედებას მშვიდობიან მოსახლეობაზე, ვიდრე ბრძოლის ველზე ხელშესახები ეფექტის მიღწევას.

როგორც პრეზიდენტის ადმინისტრაციის მრჩეველმა, ოლექსი არესტოვიჩმა თქვა, უკრაინაში ახლა იშლება სრული სქემა ირანული კამიკაძე დრონების წინააღმდეგ საბრძოლველად და Shahed-136-ის პრობლემა უახლოეს მომავალში მოგვარდება.

ამასთან, პრეზიდენტმა,  ვოლოდიმირ ზელენსკიმ ხაზგასმით აღნიშნა, რომ რუსეთის მიმართვა ირანისადმი დახმარებისთვის არის კრემლის სამხედრო-პოლიტიკური გაკოტრების აღიარება.

ავტორი: ექსპრესნიუსი,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური