უკრაინა ირანთან დიპლომატიური ურთიერთობების შეწყვეტის ინიციატივით გამოდის,-აღნიშნულის შესახებ უკრაინის საგარეო საქმეთა მინისტრმა, დმიტრო კულებამ განაცხადა.

მისი თქმით, ირანული უპილოტო თვითმფრინავების მიერ უკრაინის სამოქალაქო ინფრასტრუქტურაზე მიყენებული მასიური ნგრევის, ხალხისთვის მიყენებული სიკვდილისა და ტანჯვის ფონზე უკრაინა ვერ გააგრძელებს დიპლომატიურ ურთიერთობას ირანთან.

„ირანული უპილოტო თვითმფრინავების მიერ უკრაინის სამოქალაქო ინფრასტრუქტურაზე მიყენებული მასიური ნგრევის, ჩვენი ხალხისთვის მიყენებული სიკვდილისა და ტანჯვის ფონზე და იმ ცნობებთან დაკავშირებით, რომ ირანმა შესაძლოა გააგრძელოს იარაღის მიწოდება რუსეთისთვის, პრეზიდენტს ირანთან დიპლომატიური ურთიერთობების გაწყვეტის შესახებ წინადადებას წარვუდგენ,- განაცხადა კულებამ.

მისივე თქმით, უკრაინას არასოდეს დაუფიქსირებია ანტიირანული პოზიცია.

„მაგრამ მას შემდეგ, რაც ირანი გახდა აგრესიის დანაშაულის მონაწილე, დღეს ჩვენ ძალიან მკაფიო და პატიოსან პოზიციას დავიჭერთ. თუ ირანი შეწყვეტს იარაღის მიწოდებას რუსეთისთვის, ჩვენ ვისაუბრებთ ურთიერთობების აღდგენაზე",- დასძინა მინისტრმა.

აღსანიშნავია, რომ თავად თეირანი უარყოფს უკრაინის ბრალდებებს კამიკაძე დრონების მიწოდებაში, რომლითაც რუსეთი უტევს კრიტიკულ ინფრასტრუქტურულ ობიექტებს.

კიევზე მორიგი დარტყმის ფონზე, ირანის საგარეო საქმეთა სამინისტროს სპიკერმა, ნასერ ქანაანმა განაცხადა, რომ ირანული მხარე, სავარაუდოდ, არ აწვდის იარაღს კონფლიქტის მხარეებს.

ამასთან დღეს ასევე  ცნობილი გახდა, რომ ევროკავშირი და შეერთებული შტატები ირანის წინააღმდეგ სანქციების დასაწესებლად ემზადებიან.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება