2022-10-17 23:55:45, 1480 ნახვა
მსოფლიო
კრასნოდარში Су-34-ს ჩამოვარდნის შედეგად სულ მცირე 4 ადამიანი დაიღუპა 6 დაკარგულად ითვლება
იეისკის საცხოვრებელი კორპუსის ეზოში სუ-34 ბომბდამშენის ჩამოვარდნის გამო, ბოლო ინფორმაციით, ოთხი ადამიანი დაიღუპა, ექვსი კი დაკარგულად ითვლება, იტყობინება ქალაქის ერთიანი სამეთვალყურეო სამსახური, წერს ინტერფაქსი.
ბოლო მონაცემებით, დაშავებულია 25 ადამიანი. ოთხი მათგანი კრიტიკულ მდგომარეობაშია. დაშავებულებს შორის 8-10 წლის სამი ბავშვია.
რუსეთის თავდაცვის სამინისტროს სუ-34 ბომბდამშენი 17 ოქტომბერს საღამოს იეისკში ცხრასართულიანი საცხოვრებელი კორპუსის ეზოში ჩამოვარდა. ავარიის დროს თვითმფრინავის საბრძოლო მასალა აფეთქდა. ხანძარი მაღალსართულიან კორპუსს მოედო.
ავტორი: ექსპრესნიუსი,
epn.ge (@expressnews.ge)
