გერმანიის ყოფილმა კანცლერმა, ანგელა მერკელმა ხუთშაბათს განაცხადა, რომ არ ნანობს იმ კურსის შესახებ, რაც მისმა მთავრობამ ენერგეტიკული პოლიტიკისა და რუსეთთან ურთიერთობის დინამიკასთან დაკავშირებით გაატარა.

"ჩვენ ყოველთვის ვმოქმედებთ იმ დროში, რომელშიც ვიმყოფებით". - უპასუხა მერკელმა მისი მთავრობის რუსეთისადმი მიდგომის შესახებ დასმულ კითხვას.

მერკელმა, რომელიც კანცლერობის 16 წლის შემდეგ გასულ წელს გადადგა პოლიტიკიდან, თქვა, რომ არასოდეს სჯეროდა „Wandel durch Handel“-ის ცნების ან ვაჭრობის გზით ცვლილებების მოტანის.

”ამ მხრივ, მე საერთოდ არ ვნანობ გადაწყვეტილებებს, უფრო სწორად, მე მჯერა, რომ ეს იყო სწორი იმ დროის თვალსაზრისით,” - თქვა მან და დასძინა, რომ რუსულმა იაფმა გაზმა მისცა გერმანიას ბირთვული და ქვა-ნახშირის ენერგიის ხმარებიდან ამოღების საშუალება.

Nord Stream 2 მილსადენი, რომელიც გამიზნული იყო რუსეთიდან გერმანიაში გაზის იმპორტის გასაორმაგებლად ბალტიის ზღვის გავლით, შეჩერდა უკრაინაში შეჭრამდე რამდენიმე დღით ადრე.

"რუსეთის ამ სასტიკმა შეჭრამ უკრაინაში ახლა ცვლილებები მოიტანა. ეს არის გარდამტეხი მომენტი",.- თქვა მერკელმა გერმანიის ენერგეტიკული პოლიტიკის შესახებ.

შეგახსენებთ, რომ ევროპა ეძებს გზებს, რითაც სრულად დამოუკიდებელი გახდება რუსული გაზის მოხმარებისგან.

ავტორი: ექსპრესნიუსი,

სოციალური ქსელები

Big Tech. Global Legends. One Future - თიბისის მხარდაჭერით თბილისში Change Inspire 2026 გაიმართა

მოლდოვის პრემიერმინისტრი თანამდებობიდან გადადგა

გაორმაგების დღე City Mall-ში - 5 ივლისს PLUS ქულებით გადახდისას 50%-იანი ფასდაკლებით ისარგებლებთ

5 ივლისი გაორმაგების დღეა - შეიძინეთ სასურველი ნივთი PLUS ქულებით, დარჩენილი თანხა კი ნაწილ-ნაწილ გადაიხადეთ