ევროკავშირის საგარეო პოლიტიკის სამსახურის ხელმძღვანელი ჯოზეფ ბორელი რუსეთს „ფაშისტურ სახელმწიფოს“ უწოდებს.

RBC წერს, რომ ბორელმა განცხადება პრაღაში საპარლამენტთაშორის კონფერენციაზე გააკეთა. ვიდეო ევროკომისიის პორტალზე გამოქვეყნდა. ღონისძიებაზე ვიდეო ბმულით გამოსვლისას, ევროკავშირის დიპლომატიის მეთაური „დროის დაზოგვის მიზნით“ მშობლიურ ესპანურ ენაზე გადავიდა. ამის შემდეგ გადაცემაში ბორელის გამოსვლის ხმა გაითიშა – სამაგიეროდ მხოლოდ ინგლისურ ენაზე სინქრონული თარგმანი გაისმა. ამ თარგმანის მიხედვით, ბორელმა თქვა, რომ ევროკავშირს არ აქვს „კონკრეტული გეგმა, თუ როგორ დაამარცხოს ფაშისტური რუსეთი და მისი ფაშისტური რეჟიმი“.

ევროკავშირის საგარეო პოლიტიკის სამსახურის ხელმძღვანელმა, ხოსეპ ბორელმა, რომელიც რუსეთს "ფაშისტურ სახელმწიფოს" უწოდებს, მთლიანად გააუქმა თავი დიპლომატად, განუცხადა TASS-ს რუსეთის პრეზიდენტის სპიკერმა დიმიტრი პესკოვმა.

„რა თქმა უნდა, ამიერიდან, მისი არც ერთი გადაწყვეტილება რუსეთისა და მასთან ურთიერთობის შესახებ არ შეიძლება იყოს აქტუალური“, დასძინა მან.

მოგვიანებით, ბორელის სპიკერმა, პიტერ სტანომ განუცხადა TASS-ს, რომ ბორელის სიტყვები „მხოლოდ პარლამენტის ერთ-ერთი წევრის განცხადებას ეხებოდა, რომელმაც [დისკუსიის დროს] გამოიყენა ეს გამოთქმა“. სტანოს თქმით, თავად ევროკავშირის უმაღლესი წარმომადგენელი „რუსეთს ასე არ უწოდებს“.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა