ბრიტანეთის ახალი პრემიერის ვინაობა ცნობილია - ბორის ჯონსონს ლიზ ტრასი შეცვლის

2022-09-05 15:38:40, 3075 ნახვა

მსოფლიო

ბრიტანეთის ახალი პრემიერ-მინისტრის ვინაობა უკვე ცნობილია. ბორის ჯონსონს საგარეო საქმეთა მინისტრი, ლიზ ტრასი შეცვლის.

ტრასი კონსერვატიული პარტიის ლიდერად დასახელდება და ის პრემიერი ოფიციალურად ხვალ გახდება მას შემდეგ, რაც დედოფალს ბალმორალში ეწვევა.

შეგახსენებთ, რომ დიდი ბრიტანეთის პრემიერ-მინისტრმა ბორის ჯონსონმა გადადგომის შესახებ 7 ივლისს განაცხადა. გარდა ამისა, ბორის ჯონსონმა დატოვა მმართველი პარტიის ლიდერის თანამდებობა.

ამას წინ უძღოდა 6 ივნისი, როდესაც დიდი ბრიტანეთის კონსერვატიული პარტიის წევრებმა პრემიერ-მინისტრ ბორის ჯონსონს უნდობლობა გამოუცხადეს კარანტინის პერიოდში დარღვეული წესების გამო. გამომძიებლებმა დაადგინეს, რომ 2020 და 2021 წლებში წვეულებები იმართებოდა ოფისში საკარანტინო ზომების დაცვის გარეშე, რომელიც მთავრობამ შემოიღო მთელ ბრიტანეთში კორონავირუსის გამო. მონაწილეები დაჯარიმდნენ. ჯონსონმა აღიარა დანაშაული , ბოდიში მოიხადა და გამოაცხადა მზადყოფნა გადაიხადოს ჯარიმა. კენჭისყრის შედეგების მიხედვით, პრემიერმა ნდობა მიიღო და თანამდებობა არ დატოვა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,