უკრაინის საგარეო საქმეთა სამინისტრო, საერთაშორისო პარტნიორებს მოუწოდებს ხელი მოაწერონ პეტიციას „პუტინი ტრიბუნალის ქვეშ”, რათა რუსეთის ფედერაციის პრეზიდენტმა პასუხი აგოს უკრაინაში ჩადენილი დანაშაულებისთვის. აღნიშნულის შესახებ ინფორმაციას უკრაინის საგარეო საქმეთა სამინისტრო ავრცელებს.

საგარეო საქმეთა მინისტრმის, დმიტრი კულებას თქმით, უკრაინაზე თავდასხმის ბრძანების გაცემით, პუტინმა ჩაიდინა ყველაზე მძიმე დანაშაული საერთაშორისო მშვიდობის წინააღმდეგ.

„ჩვენ მოვუწოდებთ ჩვენს საერთაშორისო პარტნიორებს მხარი დაუჭირონ უკრაინის წინააღმდეგ აგრესიის დანაშაულისთვის სპეციალური ტრიბუნალის შექმნას. ინიციატივის გლობალური საზოგადოების მხარდაჭერა ძალიან მნიშვნელოვანია. მოვუწოდებთ მთელ მსოფლიოში ხალხს ხელი მოაწერონ პეტიციას "პუტინი ტრიბუნალის ქვეშ. ეს დანაშაული არ შეიძლება და არ უნდა დარჩეს დაუსჯელი”,- განაცხადა კულებამ.

ცნობისთვის, მარტში კულებამ პირველად მოუწოდა საერთაშორისო საზოგადოებას ასეთი სპეციალური ტრიბუნალის შექმნისკენ. მას შემდეგ ამ იდეამ მიიღო იურიდიული საზოგადოებისა და სამოქალაქო საზოგადოების, ევროპის საბჭოს საპარლამენტო ასამბლეის, ევროპარლამენტის, ნატოსა და ეუთოს მხარდაჭერაა.

ამასთან, 1,8 მილიონმა ადამიანმა ხელი მოაწერა „Avaaz” პეტიციას.

რუსეთის ხელისუფლება „Avaaz”-სგან  პეტიციის მოხსნას ითხოვს. თავის მხრივ, Avaaz-მა პეტიციის მხარდამჭერებს მოუწოდა, მეტი ხელმოწერა შეეგროვებინათ, რათა 2 მილიონის ნიშნულს მიაღწიონ.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა