საერთაშორისო სარეიტინგო სააგენტოებმა Fitch-მა და S&P-მა შეამცირეს უკრაინის რეიტინგი უცხოურ ვალუტაში მას შემდეგ, რაც ქვეყანამ მოახერხა საგარეო ვალის გადახდების გადადება.

Fitch-მა შეამცირა უკრაინის გრძელვადიანი უცხოური ვალუტის რეიტინგი „შეზღუდული დეფოლტის“ (RD), ხოლო S&P-ის რეიტინგი „სელექტიური დეფოლტის“ (SD) დონემდე.

„რესტრუქტურიზაციის გამოცხადებული პირობების გათვალისწინებით და ჩვენი კრიტერიუმების შესაბამისად, ჩვენ მიგვაჩნია, რომ გარიგება პრობლემურია და დეფოლტის ტოლფასია“, - ციტირებს S&P Reuters-ს.

10 აგვისტოს უკრაინის ფინანსთა სამინისტრომ გამოაცხადა, რომ კრედიტორები შეთანხმდნენ 2024 წლამდე გაყინონ ქვეყნის გადახდები ევრობონდებზე, რომლებიც უკრაინის საგარეო ვალის 75%-ს შეადგენს.

Bloomberg-ის მონაცემებით, უკრაინის მთლიანი საგარეო ვალი 19,6 მილიარდი დოლარია. გადახდების გადადება კიევს დაეხმარება დაზოგოს დაახლოებით ექვსი მილიარდი დოლარი, განაცხადა პრემიერ-მინისტრმა დენის შმიჰალმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს