ერდოღანი ირანს ეწვევა, სადაც ვლადიმერ პუტინს შეხვდება

2022-07-18 14:33:42, 1113 ნახვა

მსოფლიო

თურქეთის პრეზიდენტი რეჯეფ თაიფ ერდოღანი 18-19 ივლისს ებრაჰიმ რაისის მიწვევით ირანს ეწვევა, სადაც რუსეთის პრეზიდენტი, ვლადიმერ პუტინიც იქნება.

იმავე დღეს, ერდოღანი და რუსეთის პრეზიდენტი ვლადიმერ პუტინი დაესწრებიან ასტანას ფორმატში მეშვიდე სამმხრივ შეხვედრას, რომელსაც ირანის პრეზიდენტი უმასპინძლებს.

ერდოღანი და რაისი 19 ივლისს თეირანში თურქეთ-ირანის მაღალი დონის თანამშრომლობის საბჭოს მეშვიდე შეხვედრას უხელმძღვანელებენ.

ორმხრივი ურთიერთობების გარდა, განხილული იქნება რეგიონული და გლობალური საკითხებიც.

„თურქეთი-ირანის ურთიერთობების ყველა ასპექტი და პოტენციური ნაბიჯები, რომლებიც გააძლიერებს ორმხრივ თანამშრომლობას, განიხილება საბჭოს სხდომაზე, რომელიც გაიმართება შესაბამისი მინისტრების მონაწილეობით“, - ნათქვამია განცხადებაში.

სამიტის ფარგლებში თურქეთის პრეზიდენტი ასევე ორმხრივ შეხვედრას გამართავს რუს კოლეგასთან.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,