„ქართული ოცნების“ თავმჯდომარის განცხადება ევროკავშირის პოზიციის შესახებ, რომელიც ქვეყანას ომში ჩართვისკენ უბიძგებს, სუფთა პოლიტიკური პროვოკაციაა,- ასე გამოეხმაურა ევროპარლამენტარი, პეტრას აუსტრევიჩუსი, ირაკლი კობახიძის განცხადებას, რომ კანდიდატის სტატუსს საქართველო გარანტირებულად მაშინ მიიღებს თუ ქვეყანა ომში ჩაერთვება.  

ევროპარლამენტარის თქმით, საქართველოს მმართველმა პარტიამ ყურადღება უნდა გაამახვილოს კანდიდატის სტატუსის მიღების პირობაზე და შეწყვიტოს ცრუ სიგნალების გავრცელება.

„საქართველოს მმართველმა პარტიამ ყურადღება უნდა გაამახვილოს კანდიდატის სტატუსის მიღების პირობაზე და შეწყვიტოს ცრუ სიგნალების გავრცელება. „ქართული ოცნების“ თავმჯდომარის განცხადება ევროკავშირის პოზიციის შესახებ, რომელიც ქვეყანას ომში ჩართვისკენ უბიძგებს, სუფთა პოლიტიკური პროვოკაციაა“,- წერს აუსტრევიჩუსი.

შეგახსენებთ, რომ 6 ივლისს ირაკლი კობახიძემ „იმედი live” გადაცემაში თქვა - საქართველოში რომ ომი იყოს, კანდიდატის სტატუსს მივიღებთ.

კობახიძის ამ განცხადებას, „ქართული ოცნების“ აღმასრულებელმა მდივანმა მამუკა მდინარაძე გამოეხმაურა და აღნიშნა, რომ მისი აბსოლუტურად სწორი ნათქვამი გადაატრიალეს და არასწორად გაიგეს. მისივი თქმით, არავის უთქვამს, ომი თუ არ იქნება, კანდიდატის სტატუსიც არ იქნება.

ავტორი: ექსპრესნიუსი,

სოციალური ქსელები

კოშტა - პოლონეთის საჰაერო სივრცეც დაირღვა - კიდევ ერთხელ უსვამს ხაზს, რომ რუსეთის აგრესია მთლიანად ევროპის უსაფრთხოებას საფრთხეს უქმნის

ენმ-ის პოლიტიკური საბჭოს სხდომას თინა ბოკუჩავა არ დაესწრება

TI: ოცნებისთვის თითქმის 1.5 მილიონი ლარის ოდენობის შემოწირულობები სათამაშო ბიზნესს უკავშირდება

საქართველოს მოქალაქე დაუსწრებლად გაასამართლეს უკრაინის მხარეს ომში მონაწილეობისთვის