გაერთიანებული ერების ორგანიზაციამ და მალის მთავრობამ დაადასტურა, რომ ლიბიის სანაპიროებთან ნავის კატასტროფის შედეგად 22 ადამიანი, მათ შორის სამი ბავშვი დაიღუპა.

უწყების ცნობით, დაღუპული ადამიანები იყვნენ იმ 83-კაციანი ჯგუფის ნაწილი, რომლებიც 22 ივნისიდან ავარიულ ხომალდზე იყვნენ ჩარჩენილი.

სამინისტრომ და გაეროს მიგრაციის საერთაშორისო ორგანიზაციამ (IOM) განაცხადეს, რომ 61 ადამიანი გადაარჩინეს ლიბიის სანაპირო დაცვის დახმარებით.

IOM-ის სპიკერმა, საფა მსჰლიმ განაცხადა, რომ 22 ადამიანის გარდაცვალების მიზეზი იყო დახრჩობა და გაუწყლოება.

"დარჩენილი მიგრანტები გადაიყვანეს ალ-მაიას დაკავების ცენტრში, ლიბიაში", თქვა მან.

ცნობისთვის, გასულ კვირას, სულ მცირე 23 ადამიანი დაიღუპა, როდესაც დაახლოებით 2000 ადამიანი ცდილობდა გადასულიყო ესპანეთის ჩრდილოეთ აფრიკულ ანკლავში. უფლებადამცველმა ჯგუფებმა მაროკოსა და ესპანეთში მოითხოვეს ინციდენტის "ყოვლისმომცველი" გამოძიება.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა