რუსეთისთვის უცხო ტერიტორიების დაშვების შესახებ გადაწყვეტილება კონსტიტუციის საფუძველზე იქნება მიღებული,- ამის შესახებ რუსეთის ფედერაციის უშიშროების საბჭოს თავმჯდომარის მოადგილემ დიმიტრი მედვედევმა კატარის ტელეარხ Al Jazeera-სთვის მიცემულ ინტერვიუში განაცხადა.

მედვედევის თქმით, დონეცკის, ლუგანსკის სახალხო რესპუბლიკებისა და სამხრეთ ოსეთის ტერიტორიებზე მცხოვრები ხალხის რუსეთთან შეერთების ნებას, გაანალიზებენ და გადაწყეტილება რუსეთის კონსტიტუციის შესაბამისად იქნება მიღებული.

„რაც შეეხება იმ ხალხის ნებას, რომელიც ცხოვრობს ამ რესპუბლიკების (დონეცკის სახალხო რესპუბლიკა, ლუგანსკის სახალხო რესპუბლიკა და სამხრეთ ოსეთი), სხვა ტერიტორიული ერთეულების ტერიტორიაზე, ჩვენ ძალიან ფრთხილად გავაანალიზებთ ამ ნებას. ჩვენ მივიღებთ გადაწყვეტილებებს რუსეთის კონსტიტუციის შესაბამისად“,- განაცხადა მედვედევმა.

ამასთან, მედვედევმა უპასუხა კითხვაზე, მზად არის თუ არა რუსეთი თავის შემადგენლობაში მიიღოს უცხო სახელმწიფოს სუბიექტები, კერძოდ, უკრაინის ხერსონის ოლქი და სამხრეთ ოსეთი. „ამ ნების იგნორირება შეუძლებელია, მაგრამ ასეთი საკითხების განსახილველად ეს ნება უნდა ჩამოყალიბდეს“, - განაცხადა მან.

შეგახსენებთ, რომ 2008 წელს მედვედევს „მოუხდა გარკვეული გადაწყვეტილებების მიღება სამხრეთ ოსეთისა და აფხაზეთის საერთაშორისო იურიდიული პიროვნების ცნობის შესახებ“.

გარდა ამისა, მედვედევის თქმით, 2014 წელს ყირიმის მოსახლეობამ რეფერენდუმზე ნება გამოავლინა. „ჩვენმა ქვეყანამ მიიღო გადაწყვეტილება, შეუერთდეს ყირიმს, აღედგინა ყირიმი რუსეთის ფედერაციის შემადგენლობაში, სწორედ იმიტომ, რომ ასეთი გადაწყვეტილება ეფუძნებოდა ამ ტერიტორიაზე მცხოვრები ხალხის ნებას. ეს სრულად შეესაბამება გაერთიანებული სამეფოს ქარტიას“, - დასძინა პოლიტიკოსმა.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა