სამცხე-ჯავახეთის სახელმწიფო რწმუნებული მოსწავლეებს სკოლის დამთავრებას ულოცავს

2022-05-20 12:08:07, 1637 ნახვა

რეგიონი

სამცხე-ჯავახეთის სახელმწიფო რწმუნებული, ბესიკ ამირანაშვილი მოსწავლეებს სკოლის დამთავრებას ულოცავს.

მისი თქმით, რეგიონის ახალგაზრდები ღირსეულად პასუხობენ ყველა თანამედროვე გამოწვევებს.

"გილოცავთ თქვენი ცხოვრების ერთ-ერთ უმნიშვნელოვანეს მოვლენას – სკოლის დასრულებას, ბოლო ზარს სკოლაში.

ჩვენი რეგიონის ახალგაზრდები ღირსეულად პასუხობენ ყველა თანამედროვე გამოწვევებს, წარმატებებს გისურვებთ ერთიან ეროვნულ გამოცდებში, პროფესიულ წინსვლას ცხოვრების ყველა ეტაპზე, თქვენი მიზნებისა და ოცნებების ასრულებას.

ქვეყანასა და ჩვენს რეგიონს სჭირდება თითოეული თქვენთაგანი თქვენი შესაძლებლობებით, და მე გისურვებთ ამ შესაძლებლობების რეალიზებას", - განაცხადა ბესიკ ამირანაშვილმა.
სახელმწიფო რწმუნებული სამცხე-ჯავახეთში

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),