უკრაინის აღდგენის მთავარი წყარო რუსული ფული უნდა იყოს,-აღნიშნული განცხადება უკრაინის პრემიერ-მინისტრმა დენის შმიგალმა ვარშავაში გამართული  საერთაშორისო დონორთა კონფერენციის დასრულების შემდეგ გააკეთა.

 მისი თქმით, ომის შედეგად არსებულმა ზარალმა 600 მილიარდ დოლარს გადააჭარბა.

"ნაწილობრივ ამას ჩვენი პარტნიორები დააფინანსებენ, ნაწილობრივ ჩვენი ბიუჯეტით, რასაც ახლა ვაკეთებთ სარეზერვო ფონდიდან თანხების გამოყოფით,მაგრამ მთავარი წყარო. რა თქმა უნდა, აგრესორის ფული უნდა იყოს, დღეს რუსეთის ფედერაციის დაახლოებით 300 მილიარდის აქტივი გაყინულია,  ზოგადად, თუ ავიღებთ რუსი ოლიგარქების გაყინულ აქტივებს, ეს არის დაახლოებით 500 მილიარდი დოლარი.  დღეის მდგომარეობით, უკრაინის ზარალი 600 მილიარდ დოლარად არის შეფასებული, დროებით ოკუპირებულ ტერიტორიებზე არსებული ზარალის გამოკლებით. განადგურებულია ინფრასტრუქტურა, საცხოვრებელი სახლები, ბიზნესი, სამრეწველო საწარმოები“, - განაცხადა შმიგალმა.

მან ასევე დასძინა, რომ ომში მიყენებული ზარალის ანაზღაურება მომავალში უსაფრთხოების ერთ-ერთი მნიშვნელოვანი ელემენტი გახდება.

ავტორი: ექსპრესნიუსი,

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო