2022-04-20 17:26:48, 1285 ნახვა

---

„ბურთი კიევის მხარესაა, ველოდებით რეაქციას“ - პესკოვის განცხადებით, რუსეთმა უკრაინას სამშვიდობო დოკუმენტის პროექტი გადასცა

რუსეთის პრეზიდენტის ვლადიმერ პუტინის პრესმდივანმა, დიმიტრი პესკოვმა განაცხადა, რომ მოსკოვმა კიევს სამშვიდობო დოკუმენტის პროექტი "მკაფიო ფორმულირებით" გადასცა. ამის შესახებ გამოცემა "რია ნოვოსტი" იტყობინება .

"მოლაპარაკების პროცესის ფარგლებში უკრაინულ მხარეს გადაეცა დოკუმენტის პროექტი მკაფიო ფორმულირებით. ბურთი კიევის მხარესაა, მოსკოვი ელოდება რეაქციას", - განაცხადა პესკოვმა.

მისი თქმით, უკრაინა, სავარაუდოდ, არ ჩქარობს რეაგირებას.

"მათი მუშაობა შორს არის საუკეთესოსგან, ისინი არ ცდილობენ პროცესის გააქტიურებას", - დასძინა პესკოვმა. 

მანამდე პრეზიდენტის აპარატის უფროსის მრჩეველმა, უკრაინული მოლაპარაკებების ჯგუფის წევრმა, მიხაილ პოდოლიაკმა განაცხადა, რომ  რუსეთთან მოლაპარაკებები ფაქტობრივად გაყინულია . მან ვერ იწინასწარმეტყველა, როდის გაიმართება პირდაპირი მოლაპარაკებების შემდეგი რაუნდი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი