ისნის რაიონს ორი ახალი საბავშვო ბაღი შეემატება. ავლაბარში, საინგილოს ქუჩაზე 8-ჯგუფიანი ბაგა-ბაღის მშენებლობა დასრულებულია, მოწყობილია შიდა და გარე ინფრასტრუქტურა. საბავშვო ბაღი 250 აღსაზრდელზეა გათვლილი და ის ფუნქციონირებას მიმდინარე წლის სექტემბერში დაიწყებს.

დასრულებული მშენებლობა თბილისის საბავშვო ბაგა-ბაღების მართვის სააგენტოს ხელმძღვანელმა კახაბერ გვანცელაძემ რაიონის გამგებელ ნიკა ელისაშვილთან და მაჟორიტარ დეპუტატ კახა ლაბუჩიძესთან ერთად დაათვალიერა.

„ყველა ახალი საბავშვო ბაღი, რომელსაც ვაშენებთ, თანამედროვე სტანდარტებთან სრულ შესაბამისობაშია -  შენობები იქნება ადაპტირებული შშმ პირთათვის, ბაღები აღიჭურვება სახანძრო უსაფრთხოებისა და ვიდეოსამეთვალყურეო სისტემებით, შშმ პირთა და ტექნიკური ლიფტებით. თითოეულ ბაღში ვქმნით ყველა პირობას, რომ სკოლამდელი განათლების სერვისები მოქალაქეებს მიეწოდოთ კომფორტულ და უსაფრთხო გარემოში“, - განაცხადა კახაბერ გვანცელაძემ.

კიდევ ერთი ბაღი შენდება ვაზისუბნის დასახლებაში, აშოტ კურაპალატის ქუჩაზე, სადაც ცხრა სააღმზრდელო ჯგუფი განთავსდება და 60-მდე ადამიანი დასაქმდება. აღნიშნულ უბანში დასახლება დღითიდღე ფართოვდება და მოთხოვნა სკოლამდელი განათლების სერვისებზეც მუდმივად მზარდია.

კახაბერ გვანცელაძის განცხადებით, კურაპალატის ქუჩაზე ახალი ბაღის ექსპლუატაციაში მიღება 2023 წელს იგეგმება.

ავტორი: NS (სტატია დაფინანსებულია),

სოციალური ქსელები

ამ დროისთვის ორივენი არიან სტაბილურად - ექიმი ვერაზე დაჭრილ ახალგაზრდებზე

შსს-მ ონისე ოქრიაშვილზე თავდამსხმელთაგან მხოლოდ ერთი პირი დააკავა

ვერაზე მოკლული 17 წლის ნიკოლოზ ღუნაშვილია, მან ეროვნული გამოცდები წარმატებით ჩააბარა

ვერაზე სროლის დეტალები - თავდაპირველად შელაპარაკება დაკავებულ ნიკა კაპანაძის დედასა და დაჭრილებს შორის მოხდა