უკრაინაში, რუსი ოკუპანტების მიერ ადამიანთა გაუპატიურების უკვე ასობით შემთხვევა დაფიქსირდა,- ამის შესახებ უკრაინის პრეზიდენტმა, ვოლოდიმირ ზელენსკიმ ლიეტუვის პარლამენტში, სიტყვით გამოსვლისას განაცხადა. 

"უკრაინის ზოგიერთ რეგიონში კვლავ გრძელდება გამოძიება რუსეთის ფედერაციის მიერ ჩადენილი სამხედრო დანაშაულების აღრიცხვაზე. თითქმის ყოველდღიურად ხდება დაღუპულთა აღმოჩენა. ათასობით მსხვერპლი, ასობით სასტიკი წამების შემთხვევა. გვამების აღმოჩენა ხდება კანალიზაციის ჭებსა და სარდაფებში. ასევე არის სოფლები, სადაც ჯერ კიდევ არ ვიცით მსხვერპლის ზუსტი რაოდენობა. დაფიქსირებულია გაუპატიურების ასობით შემთხვევა, მათ შორის არასრულწლოვანი გოგონები და მცირეწლოვანი ბავშვები. უბრალოდ საშინელებაა ახლა ამაზე ლაპარაკი, მაგრამ ეს ასეა და ასეც მოხდა“, - აღნიშნა ზელენსკიმ.

ამასთანავე, ზელენსკის თქმით, უკვე იდენტიფიცირებულია ერთ-ერთი სამხედრო, რომელმაც უკრაინელი ბავშვის მიმართ დანაშაული ჩაიდინა - იძალადა ბიჭზე და ძალადობის ამსახველი ვიდეო თანამებრძოლებს გაუგზავნა. ის ფსკოვის სამხედროა. 

„მაინტერესებს, როგორ აფასებენ ახლა რუსეთის თავდაცვის სამინისტროში ამ "სპეცოპერაციის" შედეგებს. ასეთი დანაშაულების შემდეგ, რუსი ჯარისკაცის ბიჩკოვის ამ ქმედების შემდეგ იქნებ თავდაცვის მინისტრმა მოიწვიოს ზუსტად ასეთი მედესანტეები თავიანთი შვილების დასაცავად. მას არ სურს ეს, ბატონო მინისტრო, დარწმუნებული ვარ, რომ შეგეშინდება", - დასძინა უკრაინის პრეზიდენტმა. 

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის