2022-03-15 15:53:11, 709 ნახვა
მსოფლიო
რუსეთისა და უკრაინის დელეგაციებს შორის მოლაპარაკებების მეოთხე რაუნდი განახლდა
უკრაინისა და რუსეთის დელეგანტებმა ტექნიკური პაუზის შემდეგ, მოლაპარაკებები კვლავ განაახლეს.
როგორც უკრაინის დელეგაციის წევრმა, საპარლამენტო ფრაქციის „ხალხის მსახურის“ ხელმძღვანელმა, დავით არახამიამ „უკრაინსკა პრავდას“ გამოცემას განუცხადა, რუსეთ-უკრაინას შორის მოლაპარაკებები „უკვე მიმდინარეობს“.
უკრაინის დელეგაციის წევრები სხვა კომენტარებისგან, ამ დრომდე, თავს იკავებენ.
ცნობისთვის, 14 მარტს, რუსეთისა და უკრაინას შორის მოლაპარაკებები ტექნიკური პაუზით დასრულდა. შეხვედრის მთავარი საკითხები მშვიდობა, ცეცხლის შეწყვეტა, უკრაინიდან ჯარების დაუყოვნებლივ გაყვანა და უსაფრთხოების გარანტიები იყო.
ავტორი: ექსპრესნიუსი,
epn.ge (@expressnews.ge)
