2022-03-14 14:59:03, 884 ნახვა
მსოფლიო
უკრაინის შს მინისტრის მრჩეველი - მომდევნო 2-3 კვირა უკრაინისთვის გადამწყვეტი იქნება
უკრაინის შინაგან საქმეთა მინისტრის მრჩეველის, ვადიმ დენისენკოს განცხადებით, მომდევნო 2-3 კვირა უკრაინისთვის გადამწყვეტი იქნება, - აღნიშნულის შესახებ მან უკრაინულ მედიასთან ინტერვიუში განაცხადა.
მან აღნიშნა, რომ ოკუპანტები გააკეთებენ ყველაფერს, რათა აიღონ მარიუპოლი, შემდეგ კი, ისინი გადაინაცვლებენ უკრაინის აღმოსავლეთში, რათა დაიპყრონ აღმოსავლეთის ჯგუფი.
„ჩვენი მთავარი ამოცანაა - შევაჩეროთ ეს მოძრაობა, არ მივცეთ მათ ამის გაკეთების საშუალება და ვაიძულოთ ისინი მძიმე სახმელეთო ბრძოლაზე, სადაც ისინი დამარცხდებიან", - განაცხადა დენისენკომ.
მანვე დასძინა, რომ უკრაინისთვის ახლა ძალიან მნიშვნელოვანია, მიიღოს დახმარება საერთაშორისო პარტნიორებისგან.
ავტორი: ექსპრესნიუსი,
epn.ge (@expressnews.ge)
